बेलझुण्डीमा थप एक कोरोना संक्रमितको निधन

तुलसीपुर १४ मंसीर । विशेष अस्पताल बेलझुण्डीमा थप एक जना कोरोना संक्रमितको निधन भएको छ । अस्पताल व्यवस्थापक दोर्ण वलीका अनुसार घोराही १० का ६९ बर्षिया एक महिलाको आईतवार दिउँसो साढे एक बजे निधन भएको छ ।

कोरोना संक्रमित ती महिला यहि मंसीर ४ गते देखी अस्पतालको आईसियुमा उपचाररत थिईन । उनीमा दम र निमोनियाको समस्या रहेको थियो । यस अघि शनिवार घोराही उपमहानगरपालिका १३ निबासी ६६ बर्षका पुरुषको पनि सोहि अस्पतालमा निधन भएको थियो । यो संगै कोरोना विशेष अस्पतालमा हाल सम्म भर्ना भई निधन हुनेको संख्या चार पुगेको छ ।

प्रतिक्रिया दिनुहोस्