पछिल्लाे २४ घण्टामा नेपालमा थप १९४६ जनामा कोरोना पुष्टि, १३ जनाको मृत्यु, २५०३ जना डिस्चार्ज

काठमाण्डाै २९ कार्तिक । नेपालमा काेराेना भाइरस (काेभिड–१९) का सङ्क्रमितको सङ्ख्या दुई लाख आठ हजार दुई सय ९९ पुगेकाे छ । शनिबार थप एक हजार नाै सय ४६ जनामा सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएकाे छ ।

यस्तै गएको २४ घण्टामा १३ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या एक हजार दुई सय १५ पुगेको छ ।  त्यस्तै गएकाे २४ घण्टामा दुई हजार पाँच सय तीन जना निकाे भएर फर्किएसँगै डिस्चार्ज हुनेकाे सङ्ख्या एक लाख ७० हजार ६ सय ३२ पुगेको छ ।

अब नेपालमा ३६ हजार चार सय ५३ जना सक्रिय सङ्क्रमित आइसाेलेशनमा रहेका छन् । यस्तै एक हजार ५७ जना क्वरेण्टीनमा रहेकाे मन्त्रालयले जनाएको छ ।