पछिल्लाे २४ घण्टामा नेपालमा २३६४ जनामा कोरोना पुष्टि, ३०३८ जना डिस्चार्ज, १७ जनाको मृत्यु

काठमाडौं १३ कार्तिक  । नेपालमा वितेको २४ घण्टानमा २ हजार ३६४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिक गर्दै १० हजार ७६९ जनाको आरटीपीसीआर परीक्षण गर्दा २ हजार ३६४ जनामा सङ्क्रमणको पुष्टि भएको जनाएको छ । यससँगै नेपालमा कुल सङ्क्रमितको संख्या एक लाख ६४ हजार ७१८ पुगेको छ ।

यस्तै वितेको २४ घण्टामा ३ हजार ३८ जना कोरोना सङ्क्रमित निको भएर घर फर्किकाए छन् । यससँगै निको हुनेको कुल संख्या १ लाख २४ हजार ८६२ पुगेको छ। अब नेपालमा ३८ हजार ९५२ जना संक्रिय कोरोना संक्रमितको विभिन्न आइसोलेसनमा उपचार भइरहेको छ । यसैगरी वितेको २४ घण्टामा नेपालमा १७ जना कोरोना संक्रमितको मृत्यु भएको छ । यससँगै कोरोनाभाइरसबाट मृत्यु हुनेको संख्या ९ सय ४ पुगेको स्वास्थ्य मन्त्रालयले जनाएको छ ।