देउखुरीको बिजाैरीमा स्कुल बसको ठक्करबाट मोटरसाइकल चालक शाहीको घटनास्थलमा मृत्यु : स्थानीयहरूद्वारा सडक अवरुद्ध
भालुवाङ २ पुस । दाङको देउखुरीमा स्कुल बसको ठक्करबाट मोटरसाइकल चालकको मृत्यु भएको छ ।
मृत्यु हुनेमा राप्ती गाउँपालिका वडा नम्बर ८ बिजाैरी निवासी अन्दाजी वर्ष ३२ को कृष्णबहादुर शाहीको घटना स्थलमा मृत्यु भएको इलाका प्रहरी कार्यालय भालुवाङले जानकारी दिएको छ । मंगलबार राति साढे ७ बजेको समय राप्ती गाउँपालिका-८ बिजाैरीमा पश्चिम देखि पुर्व तर्फ गइरहेको रा १ प १४१८ नम्बरको गोरखा आइडियल स्कुल लालमटियाको बसले पुर्वबाट पश्चिम तर्फ जाँदै गरेको रा ५ प २६०१ नम्बरको मोटरसाइकललाई ठक्कर दिदा शाहीको घटना स्थलमा मृत्यु भएको प्रहरीले बताएको छ ।
आक्रोशित स्थानीयहरूले पुर्व- पश्चिम राजमार्गको बिजाैरीमा सडक अवरुद्ध पारेका छन् । आक्रोशित स्थानीयहरूले एउटा ट्याङकरमा सामान्य तोडफोड समेत गरेका छन् । साेही सडक खण्डमा हिजाे बेलुका मालबाहक ट्रकले माेटरसाइकल चालकलाई ठक्कर दिदा एक युवकको पनि मृत्यु भएको थियोे ।
