देउखुरीको वनगाउँ बगैसोता नजिकै मोटरसाइकलको ठक्करबाट १ वृद्धको मृत्यु
लमही २३ कार्तिक । दाङको देउखुरीमा मोटरसाइकलको ठक्करबाट एक वृद्धको मृत्यु भएको छ ।
मृत्यु हुनेमम लमही नगरपालिका -४ निवासी ७३ वर्षिय नकुल सिंह ठकुरी रहेको जिल्ला प्रहरी कार्यालय दाङका प्रहरी प्रवक्ता इश्वर थापाले जानकारी दिए ।
बिहीबार विहान पुर्वबाट पश्चिम आउँदै गरेको रा ५ प ४३९७ नम्बरको मोटरसाइकलले ठकुरीलाई ठक्कर दिएको थियो । ठक्कर दिने मोटरसाइकल चालक लमही नगरपालिका -१ निवासी पंकज शर्मालाई प्रहरीले नियन्त्रणमा लिएको छ ।
लमहीको बनगाउँ स्थित बगैसोता नजिकै वृद्ध ठकुरीले बाटो काट्ने क्रममा मोटरसाइकलले ठक्कर दिएको थियो । मोटरसाइकलबाट गम्भीर घाइते भएका ठकुरीको नेपालगन्ज मेडिकल कलेजमा उपचारका क्रममा मृत्यु भएको प्रवक्ता थापाको भनाई छ ।
प्रतिक्रिया दिनुहोस्
