राप्तीको ३ नम्बर वडामा सप्ताह व्यापी सरसफाई कार्यक्रम सुरू

भालुवाङ ५ भदौ । दाङको राप्ती गाउँपालिका वडा नं. ३ ले बुधबार देखि सप्ताह व्यापी सरसफाई कार्यक्रम सुरू गरेको छ ।

वडामा सफा र सुन्दर वडा बनाउनका लागि ३ नम्बर वडा कार्यालय र प्रहरी चाैकी मसुरियाको संयुक्त पहलमा सरसफाइ अभियान सुरू गरिएको हो । वडा अध्यक्ष उमेश अधिकारीको अगुवाइमा बुधबार पहिलो दिन पुर्व पश्चिम राजमार्गको दायाँबायाँ रहेका झाडी तथा अन्य फोहोर वस्तु हटाउने काम भएको वडा अध्यक्ष अधिकारीले बताएका छन् ।

सरसफाइ कार्यक्रममा प्रहरी चाैकी मसुरीयाका प्रमुख खेमराज खनाल, वडा सदस्यहरु चम्फा भुसाल, इश्वरी परियार, शिक्षक शशिकपुर कार्की, स्थानीय बासीहरु र दुर्गा भवानी स्कुलका स्काउट टोली लगायतको उपस्थिति रहेको थियो ।