शिवसवरीधाममा सञ्चालित बत्ती प्रज्वलन कार्यक्रमको चाैथो दिन दिनमा मात्र ३५ हजार बढी दान संकलन
सिसहनियाँ २५ जेठ । शिवसवरी धाम धार्मिक केन्द्र राप्ती गाउँपालिका ५ पहरूवामा सञ्चालित ऐतिहासिक ३ करोड बढी बत्ती प्रज्वलन कार्यक्रमको चाैथो दिनमा मात्र ३५ हजार ४ सय ३५ रूपैयाँ दान संकलन भएको छ ।
केन्द्रको नवाैं स्थापना दिवसको अवसरमा विश्व शान्तिका लागि आयोजित बत्ती प्रज्वलन कार्यक्रममा मंगलबार दिउँसो र राति सम्म सो रकम संकलन भएको हो ।
जस अनुसार घोराही ५ निवासी शिवशान्ति माझीबाट ३ हजार २५, घोराही १० निवासी अन्जिरा चाैधरीबाट ३ हजार ५, राप्ती गाउँपालिका वडा नम्बर ५ निवासी युवराज ज्ञवालीबाट ३ हजार ५५, लमही नगरपालिका ४ निवासी विमला चाैधरीबाट ३ हजार ५ रूपैयाँ आजिवन सदस्य तथा दान स्वरूप प्राप्त भएको सचिवालय प्रमुख ओमप्रकाश गुप्ताले जानकारी दिएका छन् ।
त्यस्तै राप्ती गाउँपालिका ५ निवासी छुनीलाल चाैधरीबाट ३ हजार १ सय १५, राप्ती गाउँपालिका ५ निवासी श्यामा रावतबाट ३ हजार ५, राप्ती गाउँपालिका ५ निवासी दुर्गा ग्वाङ मगरबाट ३ हजार १ सय ५ रूपैयाँ दान तथा आजीवन सदस्य वाफत प्राप्त भएको सचिवालय प्रमुख गुप्ताले जानकारी दिएका छन् ।
यसै बिच आज बत्ती प्रज्वलन कार्यक्रमको पाँचौ तथा अन्तिम दिन बिहान १० बजे देखि बेलुका ४ बजे सम्म कथा बाचन, संगितमय भजन, झाँकी देखाइने र बेलुका ठिक ७ बजे ३ करोड बढी बत्ती बाल्न लागिएको कार्यक्रम संयोजक मिश्रुलाल चाैधरीले जानकारी दिएका छन् ।
५ दिन सम्म सञ्चालन हुने कार्यक्रममा प्रमुख बाचक शिरोमणी पण्डित दिपक प्रसाद पाैडेलले संगितमय शैलीमा कथा वाचन गरिरहनु भएको छ ।
