सितगंगा नगरपालिकामा माछा मार्ने क्रममा खोलामा डुबेर काका भतिजको मृत्यु

अर्घाखाँची ८ जेठ । अर्घाखाँचीको शीतगङ्गा नगरपालिकामा माछा मार्ने क्रममा खोलामा डुबेर दुई जनाको ज्यान गएकाे छ ।

शीतगङ्गा नगरपालिका वडा नम्बर ७ र ९ को सिमानामा पर्ने शीतखोलामा माछा मार्ने क्रममा डुबेर काका र भतिजकाे ज्यान गएकाे हाे । 

डुबेर प्युठान नौबहिनी गाउँपालिका-८ फोप्लीका ५० वर्षीय नुमाराम घर्ती र उनका दाजुका छोरा १२ वर्षीय शमुलाल घर्तीको ज्यान गएकाे जिल्ला प्रहरी कार्यालय अर्घाखाँचीका प्रमुख प्रहरी नायब उपरीक्षक अम्मरबहादुर थापाले बताए । 

जिल्ला अस्पताल अर्घाखाँचीमा पोष्टमार्टम गरी उनीहरुकाे शव आफन्तको जिम्मा लगाइएको उनले बताए । घटनाबारे अनुसन्धान भइरहेकाे प्रहरीले जनाएकाे छ।