दाङकाे देउखुरीबाट भारतको पाटनदेवी मन्दिर जाँदै गरेको ट्याक्टर दुर्घटना हुँदा ९ जना भन्दा बढी घाइते

दाङ ३ वैशाख । दाङ देउखुरीबाट भारतको उत्तरप्रदेशस्थित पाटनदेवी मन्दिरमा लागेको मेला भर्न जाँदै गरेको तीर्थालु भक्तजन सवार ट्याक्टर दुर्घटना भएको छ। गढवा गाउँपालिका–८ कोइलावास नजिक भिरालो ठाउँमा ट्याक्टर दुर्घटना हुँदा ९ जनाभन्दा बढी घाइते भएका छन्।

घाइतेको टाउको, हात, अनुहारमा गम्भीर चोट लागेको छ। घाइतेलाई उद्धार गरेर अहिले लमही अस्पताल पु¥याइएको गढवा गाउँपालिका–८ का अध्यक्ष सद्धाम सिद्धिकीले जानकारी दिए।

गढवा गाउँपालिका–४ र ६ का स्थानीय ट्र्याक्टर चढेर पाटनदेवी जाँदै थिए। ‘ट्याक्टर पल्टिएको सूचना पाउनासाथ घटनास्थलमा पुगियो। एम्बुलेन्स चलाउने चालक बिदामा थिए। आफँैले एम्बुलेन्स चलाएर घटनास्थलबाट घाइतेको उद्धार गरी अस्पताल पु¥याइयो,’ वडाध्यक्ष सिद्धिकीले भने, ‘ट्याक्टरमा कम्तीमा २५ जना सवार थिए।’

गम्भीर घाइते भएकाहरूलाई थप उपचारका लागि बुटवल रेफर गरिएको छ। ट्याक्टर न्युटलमा भएकाले ब्रेकले काम नगरेपछि दुर्घटनामा परेको प्रहरीको अनुमान छ।