बाह्य र आन्तरिक लगानी भित्र्याउन प्रदेशमा लगानीमैत्री नीति : मुख्यमन्त्री आचार्य
बुटवल १२ असाेज । लुम्बिनी प्रदेशका मुख्यमन्त्री चेतनारायण आचार्यले बाह्य तथा आन्तरिक लगानीकर्तालाई आकर्षित गर्न प्रदेश सरकारले लगानीमैत्री नीति अवलम्बन गरेको बताएका छन् ।
नेपाल उद्योग तथा व्यवसायी महासंघ लुम्बिनी प्रदेशको बुटवलमा प्रथम अधिवेसन उद्घाटन गर्दै मुख्यमन्त्री आचार्यले बाह्य तथा आन्तरिक लगानीकर्तालाई आकर्षित गर्न वातावरण निर्माण गर्ने बताएका हुन् । ‘स्थानीय उत्पादनलाई बढाउन चाहन्छौं । यसका लागि उद्यम र उद्यमीको विकास गर्न प्रदेश सरकार नीजि क्षेत्र संग हातोमालो गर्न तयार छ’उनले भने,‘स्थानीय उत्पादनलाई बजारमा पु¥याउने, त्यसबाट नागरिकको जीवनस्तर उठाउनेगरी सरकारले नीति निर्माण गरेको छ ।
त्यसमा नीजि क्षेत्र संग सहकार्य गरेर अगाडी बढ्न सरकार तयार छ ।’ मुख्यमन्त्री आचार्यले समृद्ध लुम्बिनी आत्मनिर्भर प्रदेशको लक्ष्य पुरा गर्न उद्योगी व्यवसायीको साथ खाेजे । उद्योगी व्यवसायीहरुले राखेका मागहरु प्रति सरकार संवेदनशिल भएको, उद्योग दर्ता, नविकरण तथा सञ्चालनको क्षेत्रमा एकद्वार प्रणाली लागु गर्ने बारेमा सरकारले पहल लिने जानकारी दिए । साना तथा मझौला उद्योग एवम् उद्यमहरुको विकास गर्ने, उद्योग सञ्चालन गर्न चाहिने दक्ष जनशक्ति उत्पादन गर्न पनि लगानी लगाउने, उद्योग तथा उद्यममैत्री पूर्वाधार निर्माणमा सरकारले ध्यान दिने बताए ।
महासंघका अध्यक्ष माधव प्रसाद नेपालको अध्यक्षतामा भएको अधिवेशनले माधव प्रसाद नेपालको अध्यक्षतामा नयाँ कार्यसमिति चयन गरेको छ । उपाध्यक्षमा द्वय दधिराम खरेल र भास्कर काफ्ले, सचिवमा केशवराज पन्थी, कोषाध्यक्षमा लक्ष्मी क्षेत्री, सहसचिवमा पुरुषोत्तम अर्याल, सरोज चौधरी, जीवन कक्षपती, सहकोषाध्यक्षमा जुद्ध केसी सहित अन्य सदस्यमारहेका छन् ।
