कोरोना रोकथाम र सचेतनाका लागि काठमाडौंका सांसदले गराए ध्यानाकर्षण
काठमाडौं । काठमाडौंका सांसदहरूले कोरोना रोकथाम र सचेतनाका लागि सभामुख अग्निप्रसाद सापकोटाको सामूहिक रूपमा ध्यानाकर्षण गराएका छन् ।
सांसदहरूको टोलीले सभामुख सापकोटालाई भेटेरै ध्यानाकर्षण पत्र बुझाएका हुन् ।
सांसदहरूले बुझाएको लिखित पत्रमा कोभिडको अवस्था र प्रभावलाई अनुगमन गर्ने गरि सरकारलाई रायसुझाव दिनका लागि संसदीय समिति गठन गर्न सभामुखको ध्यानाकर्षण गराइएको छ ।
प्रत्येक निर्वाचन क्षेत्रमा आइसोलेसन वार्डलगायत कोभिड १९ नियन्त्रणको व्यवस्था गर्न ०७७-७८ को बजेटबाट व्यवस्था गर्न पनि माग गरिएको छ । ध्यानाकर्षण पत्रमा २० सांसदको नाम उल्लेख छ ।
भदो ११ गते तयार गरिएको ध्यानाकर्षण पत्र शुक्रबार बुझाइएको हो ।
प्रतिक्रिया दिनुहोस्
