लालमटिया दुर्घटना अपडेट : मृतक चालक राप्ती-३ बसन्तपुरका सोनु गुरूङ रहेको पुष्टि

भालुवाङ १ पुस । दाङको देउखुरीमा ट्रकको ठक्करबाट मृत्यु भएका मोटरसाइकल चालकको पहिचान खुलेको छ ।

ट्रकको ठक्करबाट मृत्यु भएका मोटरसाइकल चालक राप्ती गाउँपालिका वडा नम्बर ३ बसन्तपुर निवासी वर्ष १८ को सोनु गुरूङ रहेको इलाका प्रहरी कार्यालय भालुवाङले जानकारी दिएको छ । सोमबार बेलुका ६ः३० बजेको समयमा राप्ती गाउँपालिका वडा नम्बर २ लालमटिया(कटेशनाला नजिक) मोटरसाइकल र ट्रक एक आपसमा ठोक्किएको थियो । पश्चिमबाट पुर्व तर्फ जाँदै गरेको बा ४ ख २२६१ नम्बरको ट्रकले पुर्वबाट पश्चिम तर्फ आइरहेको रा ८ प ४१४६ नम्बरको मोटरसाइकललाई ठक्कर दिएको थियो ।

घाइतेलाई स्वास्थ्य चौकी भालुवाङ लगिए पनि उनलाई चिकित्सकले मृत घोषणा गरेका थिए । ठक्कर दिने ट्रक प्रहरीको नियन्त्रणमा रहेको छ ।