गुरुकुल एकेडेमी लमहीले मनायो एक सय दिनको उत्सव, नेपाली शिक्षामा अब्बल बन्दै गएकाे दाबी

लमही १५ साउन । गुरुकुल एकेडेमी लमहीले स्थापना भएको एक दिनको उत्सव मनाएको छ । शैक्षिक सत्र २०८१ बाट संचालनमा आएको विद्यालयले आफ्नो एक दिनको उत्सव मनाएको हो । बिभिन्न कार्यक्रम गरेर एक सय दिनकाे उत्सव मनाएको हो ।

पानसमा बत्ति बालेर सुरुवात गरेको कार्यक्रममा विद्यार्थि तथा शिक्षकहरुले बिभिन्न किसिमका नृत्य, गीत, ड्रामा तथा बिट बक्सिङ प्रस्तुत गरेका थिए । उत्सवको अवसरमा विद्यार्थीहरुले गुरुकुल एकेडेमी लमहीमा एक सय दिनको अनुभव समेत सुनाएका थिए ।

गुरुकुल एकेडेमी लमही स्थापना पश्चात विद्यालयमा आबद्ध भएका बिद्यार्थीहरुले पढाई संगै के–कस्ता कृयाकलाप सिके भन्ने बिषय आम अभिभावक माझ प्रस्तुत गर्न कार्यक्रमको आयोजना गरिएको बिद्यालयका प्रधानाध्यापक सुरज खनालले जानकारी दिए ।

नृत्य क्षेत्रको प्रशिक्षकमा हेमन्त पान्डे रहेका थिए भने अन्य गायन, ड्रामा तथा बिट बक्सिङ विद्यालयका शिक्षकहरु रहेका थिए । विद्यार्थीहरुको शैक्षिक सुधार तथा सर्वाङगिन विकासका लागि आवश्यकताका कृयाकलापहरु विद्यालयले नियमित गराउदै आएको छ ।

जसका कारण विद्यार्थीहरु शिक्षा बाहेक अन्य कृयाकलापमा पनि अब्बल बन्दै गएको छ । कार्यक्रमको अवशरमा विद्यालयका प्रधानाध्यापक सुरज खनालले आफ्नो भनाई राखेका थिए ।  उनले विद्यालयका शिक्षक, कर्मचारी, संचालक समिति र सेयर सदस्य लगायतको अथक मेहनतपछि आफूहरु सफल बन्दै गएको बताए ।

प्रधानाध्यापक खनालले विद्यालयको सफलताको लागि नविनतम प्रबिधी प्रयोग गरेर उच्च क्वालिटिको शिक्षा प्रदान गर्ने र आफ्नो विद्यार्थीहरुको  भविष्य सुनिश्चित रहेको हुँदा सम्पूर्ण अभिभावकहरुलाई ढुक्क रहन पनि आग्रह गरेका थिए । साथै उनले विद्यालयलाई सहयोग गर्ने सम्पूर्णलाई धन्यबाद समेत प्रदान गरेका थिए ।