निलसागर सेवा आश्रम दाङद्वारा भालुवाङ क्षेत्रबाट २ जना सडक सहयाेगापेक्षी मानवकाे उद्वार

भालुवाङ ११ मंसिर । निलसागर सेवा आश्रम दाङ द्वारा राप्ती गाउँपालिका वडा नं. १ भालुवाङ्ग क्षेत्र बाट २ जना सडक सहयाेगापेक्षी मानवकाे उद्वार गरिएको छ।

आश्रमले साेमबर दिउँसो उनीहरूलाई प्रहरीको सहयोगमा उद्वार गरेको हाे। उद्वार गरिएका ६० वर्ष भन्दा माथिका एक नेपाली सहित २ जना पुरुष रहेका छन्। उनीहरूलाई उद्वार गरि आश्रमको कार्यालय राप्ती गाउँपालिका-८ पिपरीमा राखिएको आश्रमका कार्यवाहक अध्यक्ष गरिबु चाैधरीले जानकारी दिएका छन् । आश्रममा अहिले ५ महिला सहित २८ जना सडक सहयाेगापेक्षी मानवहरु रहेका छन् ।