मजगाउँमा ९ करोड ९८ लाखको लागतमा नयाँ खानेपानी आयोजना निर्माण सुरु

लमही ११ चैत्र । लमही खानेपानी उपभोक्ता तथा सरसफाइ संस्थाले लमही नगरपालिका ३ मजगाउँमा खानेपानी आयोजनाको आज शिलन्यास तथा भुमि पुजन गरेको छ । जसको आजैबाट निर्माण कार्य सुरु भएको जनाएको छ ।

लमही खानेपानी उपभोक्ता तथा सरसफाइ संस्था र संघिय खानेपानी तथा ढल व्यवस्थापन आयोजनाको संयुक्त लगानीमा लमही नगरपालिका वडा नम्बर ३ मजगाउँमा  खानेपानी आयोजनाको आज शिलन्यास तथा भुमि पुजन गरिएकाे हाे । संघिय खानेपानी तथा ढल व्यवस्थापन आयोजना नेपालगन्ज कार्यालयका प्रमुख मनिसकुमार राजले खानेपानी आयोजना २ बर्ष भित्र सम्पन्न हुने र गुणस्तरीय काम भए नभएको वारेमा अनुगमन गरिने बताए । ९ करोड ९८ लाखको लागतमा खानेपानी आयोजना सञ्चालनमा आउने छ । लमही–३ र ४ नम्बर वडाका उपभोक्तालाई खानेपानी सुविधा पु¥याउने लक्ष छ ।

समितिका अध्यक्ष दन्डीराम चौधरीको अध्यक्ष्यता एवम् लुम्बिनी प्रदेश सभा सदस्य रेवतीरमण शर्माको प्रमुख आतिथ्यता र आयोजना प्रमुख मनिस कुमार राजको बिसिष्ठ आतिथ्यतामा कार्यक्रम भएको हो । कार्यक्रमा बाेल्दै लुम्बिनी प्रदेश सभा सदस्य शर्माले स्वच्छ खानेपानी उपभोग गर्न पाउने सबै नागरिकको समान अधिकार भएको बताएका छन् । उनले सरकारले सबै नागरिकलाई स्वच्छ खानेपानी पु¥याउन ठूला र मझौला तथा साना खानेपानीका आयोजना सञ्चालन गरिरहेको बताएका हुन् ।