LISTEN LIVE RADIO

दाङ निर्वाचन क्षेत्र नम्बर १ ( ख) मा अनुराग खड्का फराकिलो मतले विजय



दाङ निर्वाचन क्षेत्र नम्बर १ ( ख) मा अनुराग खड्का फराकिलो मतले विजय

देउखुरी ८ मंसिर । दाङ निर्वाचन क्षेत्र नम्बर १ प्रदेश ख मा नेपाली कांग्रेसका उम्मेदवार अनुराग खड्का १६ हजार २ सय २२ मत ल्याएर विजय भएका छन् । उनका निकटतम प्रतिद्वन्द्वी नेकपा एमालेका कुल बहादुर केसीले १३ हजार १ सय ७० मत ल्याएका छन् । खड्का ३ हजार ५२ मतको फराकिलो अन्तरले विजय भएका हुन् ।

अन्तिम नतिजा अनुसार नागरिक उन्मुक्ति पार्टीका भक्तिराम चौधरीले ५ हजार १ सय ३९ मत, राप्रपाका गोरख बहादुर केसीले १ हजार ७ सय ९६ मत मंगोल नेशनल अग्रनाइजेशनका टिकलाल चाैधरीले २ सय ४९ मत, लोकतान्त्रिक समाजवादी पार्टीका राजकुमार विकले ८७ मत प्राप्त गरेका छन् ।

कुल ३८ हजार ५ सय ९२ मत खसेकोमा ३६ हजार ६ सय ६० मत सदर भएको थियोे भने १ हजार ७ सय ५९ मत बदर भएको थियोे । याे समाचार तयार पार्दा सम्म विजयको नतिजा भने घोषणा गर्न बाँकी रहेको छ ।

प्रतिक्रिया दिनुहोस्

देउखुरी टुडे

देउखुरी टुडे