के हो किटो डाइट ? के यसले साँच्चै ज्यानै लिन्छ ?

किटो डाइट रोज्ने कि सन्तुलित भोजन ?

आधुनिक जीवनशैलीले जन्माएको असन्तुलित आहारविहार र दिनचर्याको एउटा खराब नतिजा अनावश्यक मोटोपन भएको छ । त्यो मोटोपनबाट मुक्ति पाउनका लागि मानिसहरु विभिन्न उपायहरु अपनाउने गर्छन् । तीमध्ये एउटा उपाय हो– खानपानको पथपरहेज । यस सिलसिलामा सबैभन्दा चर्चामा आउने गर्छ – किटो डाइट । तर यो किटोडाइट पनि विवादमुक्त भने छैन । केही दिनअघिको कुरा हो– हिन्दी र बांग्ला फिल्मकी अभिनेत्री मिस्टि मुखर्जीको मृगौलाले काम गर्न बन्द गरेका कारण निधन भयो । २७ वर्षकी अभिनेत्री किटो डाइटमा रहेको र यसै कारण उनको स्वास्थ्यमा खराबी देखिएको मिस्टि मुखर्जीको प्रतिनिधिलाई उद्धृत गर्दै विभिन्न सञ्चार माध्यमले जानकारी दिएका छन् ।