दाङको देउखुरी क्षेत्रमा बोइलर कुखुराको मुल्य आकाशियाे, फ्रेस मासु प्रती केजी ३८० पुग्याे
सिसहनियाँ २९ असाेज । दाङको देउखुरी क्षेत्रमा बोइलर कुखुराको मुल्य आकाशिएकाे छ । चार्ड पर्वकाे मुखमा मासुकाे मुल्य आकाशिए पछि उपभाेक्ताहरू मारमा परेका छन् । देउखुरी कुखुरा पालक समुहका अध्यक्ष अर्जुन अधिकारीको अध्यक्षतामा शनिवार सिसहनियाँमा बसेको बैठकले कुखुराको मुल्य बढाएको छ । अव तयारी ब्रोइलर प्रती केजी २७० रूपैयाँ र फ्रेस मासु प्रती केजी ३८० रूपैयाँ कायम गरेको छ ।
यस अघि जिउदो कुखुराको ब्रोइलर प्रती केजी २५० रूपैयाँ र फ्रेस मासु प्रती केजी ३५० रूपैयाँ कायम गरेको थियो । देउखुरीमा कुखुरा कम र माग बढी भएकोले मुल्य बढाउनु परेको समुहका प्रवक्ता तथा कोषाध्यक्ष प्रकाश पोख्रेलले जानकारी दिएका छन् । साथै प्रवक्ता पोख्रेलले समितिबाट लागू गरिएको मुल्यमा तयारी जिउँदो ब्रोइलर कुखुरा र फ्रेस मासुको कारोबार गर्न सम्पुर्ण किसान, मासु ब्यबसायी,लगाएत आमउपभोक्ताहरुमा अनुरोध गरेका छन् ।
बैठकमा समुहका उपाध्यक्ष खिमा भण्डारी, सचिव पहलमान चौधरी ( अनुप ), कोषाध्यक्ष तथा प्रवक्ता प्रकाश पोख्रेल, सहसचिव जिबराज भट्टराई, सदस्य वसन्त थापा, मधु खड्का, तिलबहादुर डाँगी, बिश्वराज श्रेष्ठ, सुर्यनारायण चौधरी, टेकबहादुर पुन, दुर्गा सार्की र अरुणा केसीको सहभागिता रहेको थियो ।
